Новости

Рыхтуецца новая выстаўка

“Пад лямпы дзіўнае святло...”- так гучыць назва новай выстаўкі, якая рыхтуецца ў Музеі ткацтва. Тут вы зможаце пабачыць разнастайныя прыборы для штучнага асвятлення ХХ стагоддзя (газавыя лямпы і ліхтары) з калекцыі Коца А.Л. і адзін з відаў дэкаратыўна-прыкладнога мастацтва беларусаў – выцінанкі, зробленыя Шушарт А.Г. Выстаўка пачне працаваць з сярэдзіны снежня.


Выстаўка «Маміна сукенка» працягваецца

Усіх, хто яшчэ не паспеў трапіць на выстаўку жаночага адзення і аксесуараў “Маміна сукенка” шчыра запрашаем! Да канца дзеяння выстаўкі засталіся лічаныя дзянькі, аднак па просьбах наведвальнікаў мы працягваем яе работу яшчэ на тыдзень (да 6 снежня). Скарыстайцеся ўнікальнай магчымасцю ажывіць у сваёй памяці цёплыя ўспаміны, яркія вобразы мінулай эпохі.

Чакаем вас кожны дзень з 10.00 да 17.00, акрамя панядзелка.


Які ён, блакітны лён?

З 12 па 27 лістапада праходзілі музейна-педагагічныя заняткі для дашкольнікаў “Казка блакітнага лёну”. Да нас завіталі дзеці з дзіцячых садкоў г. Полацка. Маленькія наведвальнікі музея з захапленнем слухалі казку пра расліну, якая з даўніх часоў палюбілася беларусам. І гэта – лён. Чароўны блакіт кветак, моцнае валакно, лекавае насенне – вось галоўныя якасці гэтай незвычайнай расліны. Праз казку дзеці даведаліся, калі сеялі лён, хто яго даглядаў, як убіралі з поля і апрацоўвалі.


Сустрэча Клуба выхаднога дня

27 кастрычніка ў Музеі адбылася чарговая сустрэча Клуба выхаднога дня пад назвай “Крэмплен, сацін, аксаміт...”. Сустрэча была прысвечана жаночай модзе савецкага часу. Разам з навуковымі супрацоўнікамі ўдзельнікі клуба падчас бяседы паспрабавалі ўспомніць, як выглядала савецкая жанчына-маці, як ставіліся савецкія людзі да “стыляг”, што можна было набыць у савецкіх крамах і г.д. А дапамагалі ім у гэтай справе цудоўныя рэчы: фотаздымкі, разнастайныя аксесуары, сукенкі, якія разам з сабою на сустрэчу прынеслі ўдзельнікі клуба.


Выстаўка "Маміна сукенка"

Самыя цёплыя і светлыя ўспаміны ў нас звязаны з мамай, яе дабрынёй, мудрасцю, цярплівасцю. Мама – выток усяго: і таго, што было, і таго, што будзе.

Мама — повар і кулінар, яе катлеты і пірагі самыя смачныя.

Мама — доктар, калі ў доме хтосьці хворы.

Мама — настаўнік, калі не рашаецца задачка.

Мама — псіхолаг, калі здараюцца нелады з сябрамі і з самім сабой.


Ручнік як кніга жыцця

27 верасня ў Музеі ткацтва адбылася сустрэча з Пятром Цалка, загадчыкам філіяла Веткаўскага музея народнай творчасці. Падчас лецыі –майстар-класа госць распавёў аб лакальных асаблівасцях Няглюбскіх ручнікоў, аб развіцці і ўдасканаленні адзінага канона, што калісьці меў распаўсюджанасць на значнай тэрыторыі Гомельшчыны. Ручнік – гэта такая тканая рэч, якая сапраўды прыналежыць і мінуламу, і сучаснаму. Асабліва ўразіў усіх наведвальнікаў навык Пятра “чытаць” ручнікі праз прызму традыцыйнай культуры.


Зробім выстаўку разам

Музей традыцыйнага ручнога ткацтва Паазер’я запрашае жыхароў Полацка і Наваполацка прыняць удзел у арганізацыі выстаўкі “Маміна сукенка”, прымеркаванай да Дня Маці (14 кастрычніка). Калі ў вас захаваліся рэчы бабуляў і матуляў (спадніцы, сукенкі, блузкі, аксесуары, абутак, фотаздымкі і інш.), калі ласка, прыносьце іх да нас у музей да 8 кастрычніка.


Лекцыя - майстар-клас Пятра Цалкі

Запрашаем на лекцыю - майстар-клас загадчыка філіяла Веткаўскага музея народнай творчасці Пятра Цалкі. Тэма сустрэчы: «Ткацтва як стварэнне свету і лёсу. Семантыка тэхналогіі і кампазіцыі рэчы, як мадэль культурнай прасторы».
У якасці ілюстрацыйнага матэрыяла лектар прадэманструе з дзясятак тканых ручнікоў.
Змест лекцый заснаваны на шматгадовым даследванні дадзенай тэмы, у тым ліку ў экспедыцыйнай форме.

Час правядзення лекцыі: Пятніца, 27 верасня. 16.30


Чацвёртая сустрэча Клуба выхаднога дня

8 верасня ў Музеі ткацтва адбылася чарговая сустрэча Клуба выхаднога дня. Чацвёртая сустрэча была прысвечана зручнаму і прыгожаму элементу традыцыйнага касцюма беларусаў - поясу.

Удзельнікі клуба высветлілі, што такое пояс, даведаліся аб важным месцы пояса ў розных звычаях і абрадах беларусаў. Дзеці і дарослыя пазнаёміліся з разнастайнымі тэхнікамі выканання традыцыйных паясоў, аб якіх распавяла Ярмух Ніна.


Музеи Полоцка переходят на зимнее время работы


Уважаемые посетители!



С 1 сентября музеи Национального Полоцкого историко-культурного музея-заповедника переходят на зимнее время работы. Двери музеев будут открыты для Вас с 10.00 до 17.00, понедельник - выходной день!

В Музее боевой славы и Музее-квартире З.М. Туснолобовой-Марченко понедельник, вторник - выходные дни.


Трэцяя сустрэча Клуба выхаднога дня

25 жніўня ў Музеі ткацтва адбылася трэцяя сустрэча Клуба выхаднога дня. Сустрэча была прысвечана аднаму з асноўных відаў дэкаратыўна-прыкладнога мастацтва беларусаў – вышыўцы.

Удзельнікі Клуба даведаліся аб гісторыі ўзнікнення, развіцця і асноўных тэхніках вышыўкі на Беларусі. Дзеці і дарослыя зазірнулі ў таямнічы свет мараў і жаданняў нашых продкаў, які зашыфраваны прыгажосцю беларускай вышыўкі на тканых вырабах.


Клуб выхаднога дня ў музеі

18 жніўня адбылася другая сустрэча Клуба выхаднога дня ў Музеі. Прысвечана яна была традыцыйным лялькам.
Змяняецца час, змяняюцца і цацкі. Лялькі таксама змяніліся. Таму знаёмства удзельнікаў Клуба з дзіўным светам лялькі пачалося з выстаўкі “Лялькі з куфэрка бабкі Агапкі” і цікавай гісторыі ўзнікнення і выкарыстання традыцыйнай лялькі, якую распавяла Ярмух Ніна.
Новая цікавая інфармацыя дала магчымасць прымяніць новыя веды ў майстар-класе па вырабу лялькі.


Лекцыя-сустрэча «Беларусы Латгаліі – учора і сёння».

15-га жніўня ў Музеі адбудзецца адкрытая лекцыя-сустрэча «Беларусы Латгаліі – учора і сёння». Лекцыю чытае Міраслаў Янковяк – кандытат філалагічных навук, навуковы працаўнік Інстытута славістыкі Польскай акадэміі навук, выпускнік Кафэдры беларусістыкі, а таксама паланістыкі Варшаўскага ўніверсітэта. Міраслаў Янковяк - аўтар амаль 40 артыкулаў, а таксама кніг: “Беларуская дыялекталогія” (2012, разам з Нінай Баршчэўскай), «Беларускія гаворкі ў Краслаўскім раёне Латвіі. Сацыялінгвістычныя дасьледаваньні» (2009 – польскае выданне, 2012 – беларускае выданне).


Першая сустрэча Клуба выхаднога дня

У мінулую нядзелю 11 жніўня распачаў працу Клуб выхаднога дня. Першая сустрэча была музычнай. Нягледзячы на дажджлівае надвор'е, музей у гэты дзень не быў пусты. Да нас завіталі і бацькі з дзецьмі, і бабулі з унукамі. Не абмінуў нашага музея і таленавіты дудар з Мінску Ігар Расолька, які ігрой на дудзе, жалейцы, акарыне стварыў для ўсіх прысутных неверагодную атмасферу. Асабліва запамінальным для ўдзельнікаў клуба стала магчымасць наведаць выстаўку «Інструмент народны, і вясёлы, і журботны...» і пайграць на сапраўдных бразготках, кляшчотках, капытцах, лыжках, званочках.


«Дудар, дударочку, ты зайграй яшчэ разочак...»

Ці ёсць на свеце беларус, які не любіць танцаваць? І думаць тут доўга не трэба. Няма. Можа, і ёсць, які не ўмее танцаваць, але ж любіць, дакладна любіць... Асабліва беларусы любяць скокі пад дуду. І мы прадставім вам такую магчымасць, таму што першая сустрэча ў клубе выхаднога дня будзе прысвечана музычнай тэматыцы.
У гэты дзень (11 жніўня) да нас завітае дудар з Мінску Ігар Расолька.


Клуб выхаднога дня

11 жніўня ў нашым музеі распачынае працаваць клуб выхаднога дня для бацькоў з дзецьмі, бабуляў і дзядуляў з унукамі, а таксама для ўсіх тых, хто хоча правесці свой вольны час не за тэлебачаннем і кампутарам, а ў кампаніі цікавых і прыемных людзей. Прыйшоўшы да нас, вы даведаецеся і аб традыцыйных ляльках, з якімі гулялі нашы бабулі і дзядулі, пазнаёміцеся з гісторыяй беларускага адзення, сімволікай арнаменту і г. д. Прапанаваныя мерапрыемствы створаць добрую магчымасць для ўдасканалення вашых ведаў па традыцыйнай культуры.


Бібліятэка і музей

Бібліятэка і музей… На першы погляд падаецца, што гэта зусім розныя дзве установы. І гэта так. Аднак, ці ёсць тое, што можа іх аб’яднаць? Канечне ж, сумеснае мерапрыемства.


Сустрэча з Алесем Ласём

У адзін з цудоўных сонечных дзён у музей завітаў вядомы беларускі музыка, мастак, стваральнік экамузея музычных інструментаў Алесь Лось. Як таленавіты музыка, Алесь Лось не змог абмінуць выставу беларускіх народных інструментаў «Інструмент народны, і вясёлы, і журботны....». Падчас сустрэчы з супрацоўнікамі і наведвальнікамі музея ён падзяліўся сваімі прыемнымі ўражаннямі аб музеі і выставе, расказаў пра народныя тэхнікі ігры на скрыпцы, цымбалах, бубне, жалейцы.


Новый режим работы

С 1 июня все музеи Национального Полоцкого историко-культурного музея-заповедника переходят на летний режим работы. Двери наших музеев будут открыты для полочан и гостей города с 10.00 до 18.00.
Добро пожаловать!


“Без музыкі, без дуды ходзяць ножкі не туды”

Адным з самых старажытных народных інструментаў на Беларусі з’яўляецца дуда. Амаль да канца XIX ст. яна была вельмі папулярнай на Віцебшчыне. Дуда выкарыстоўвалася ў абрадах, звязаных з асноўнымі момантамі жыцця чалавека: на хрэсьбінах, на вяселлі. Дуда-“весялуха” падыгрывала танцам. І таму, не выпадкова, 18 мая Музей традыцыйнага ручнога ткацтва Паазер'я запрасіў жыхароў і гасцей горада на вечарыну “Зайграй, зайграй, дудар!”.


Адказы на музычную віктарыну

Вялікі дзякуй усім, хто прыняў удзел у музычнай віктарыне, прымеркаванай да Ночы музеяў.

Найбольшую колькасць правільных адказаў даслаў Коц Аляксей. Віншуем!

Разумнікам і разумніцам прапануем правільные адказы на віктарыну:


"Інструмент народны, і вясёлы, і журботны..."

Музыка суправаджае нас паўсюль і заўсёды. Пра музыку можна сказаць, што яна і навука, і казка. У ёй столькі загадкавага і цудадзейнага, што, часам, невядома, як да яе адносіцца і як пра яе гаварыць: ці гэта навуковая казка, ці гэта казачная гісторыя.

Беларусы – заўзятыя аматары музыкі, без яе не абыходзіцца ніводнае свята, ні адно гулянне. Вельмі шмат здольных музыкантаў, якія могуць рабіць сваімі рукамі цікавыя музычныя інструменты з добрым гучаннем. І так вялося спрадвеку.


НОЧ МУЗЕЯЎ 2013 у Полацку


Ночь музеев в Полоцке 2013

18 мая 18.00-23.00


30-годдзю канцэртнай залы Сафійскага сабора прысвячаецца


Музычны музейны марафон


Фальклорнае свята "Гуканне вясны"

«Сакавік часамі снегам сее, а часамі сонцам грэе». Так можна сказаць пра першы вясновы месяц. Аднак хопіць ужо зіме панаваць, а трэба вясну клікаць, гукаць.

27 сакавіка ў Музей традыцыйнага ручнога ткацтва Паазер'я прыйшлі пагукаць вясну маленькія навучэнцы дзіцячага інтэрнату г. Наваполацка. З вялікай цікавасцю і захапленнем хлопчыкі і дзяўчынкі выраблялі з каляровай паперы веснавых птушак. Зробленыя з любоўю і цеплынёй папяровыя птахі ажылі на Дрэве жыцця, каб на сваіх крылах прынесці да нас цёплую вясну.