Новости

Клуб выхаднога дня ў музеі

18 жніўня адбылася другая сустрэча Клуба выхаднога дня ў Музеі. Прысвечана яна была традыцыйным лялькам.
Змяняецца час, змяняюцца і цацкі. Лялькі таксама змяніліся. Таму знаёмства удзельнікаў Клуба з дзіўным светам лялькі пачалося з выстаўкі “Лялькі з куфэрка бабкі Агапкі” і цікавай гісторыі ўзнікнення і выкарыстання традыцыйнай лялькі, якую распавяла Ярмух Ніна.
Новая цікавая інфармацыя дала магчымасць прымяніць новыя веды ў майстар-класе па вырабу лялькі.


Лекцыя-сустрэча «Беларусы Латгаліі – учора і сёння».

15-га жніўня ў Музеі адбудзецца адкрытая лекцыя-сустрэча «Беларусы Латгаліі – учора і сёння». Лекцыю чытае Міраслаў Янковяк – кандытат філалагічных навук, навуковы працаўнік Інстытута славістыкі Польскай акадэміі навук, выпускнік Кафэдры беларусістыкі, а таксама паланістыкі Варшаўскага ўніверсітэта. Міраслаў Янковяк - аўтар амаль 40 артыкулаў, а таксама кніг: “Беларуская дыялекталогія” (2012, разам з Нінай Баршчэўскай), «Беларускія гаворкі ў Краслаўскім раёне Латвіі. Сацыялінгвістычныя дасьледаваньні» (2009 – польскае выданне, 2012 – беларускае выданне).


Першая сустрэча Клуба выхаднога дня

У мінулую нядзелю 11 жніўня распачаў працу Клуб выхаднога дня. Першая сустрэча была музычнай. Нягледзячы на дажджлівае надвор'е, музей у гэты дзень не быў пусты. Да нас завіталі і бацькі з дзецьмі, і бабулі з унукамі. Не абмінуў нашага музея і таленавіты дудар з Мінску Ігар Расолька, які ігрой на дудзе, жалейцы, акарыне стварыў для ўсіх прысутных неверагодную атмасферу. Асабліва запамінальным для ўдзельнікаў клуба стала магчымасць наведаць выстаўку «Інструмент народны, і вясёлы, і журботны...» і пайграць на сапраўдных бразготках, кляшчотках, капытцах, лыжках, званочках.


«Дудар, дударочку, ты зайграй яшчэ разочак...»

Ці ёсць на свеце беларус, які не любіць танцаваць? І думаць тут доўга не трэба. Няма. Можа, і ёсць, які не ўмее танцаваць, але ж любіць, дакладна любіць... Асабліва беларусы любяць скокі пад дуду. І мы прадставім вам такую магчымасць, таму што першая сустрэча ў клубе выхаднога дня будзе прысвечана музычнай тэматыцы.
У гэты дзень (11 жніўня) да нас завітае дудар з Мінску Ігар Расолька.


Клуб выхаднога дня

11 жніўня ў нашым музеі распачынае працаваць клуб выхаднога дня для бацькоў з дзецьмі, бабуляў і дзядуляў з унукамі, а таксама для ўсіх тых, хто хоча правесці свой вольны час не за тэлебачаннем і кампутарам, а ў кампаніі цікавых і прыемных людзей. Прыйшоўшы да нас, вы даведаецеся і аб традыцыйных ляльках, з якімі гулялі нашы бабулі і дзядулі, пазнаёміцеся з гісторыяй беларускага адзення, сімволікай арнаменту і г. д. Прапанаваныя мерапрыемствы створаць добрую магчымасць для ўдасканалення вашых ведаў па традыцыйнай культуры.


Бібліятэка і музей

Бібліятэка і музей… На першы погляд падаецца, што гэта зусім розныя дзве установы. І гэта так. Аднак, ці ёсць тое, што можа іх аб’яднаць? Канечне ж, сумеснае мерапрыемства.


Сустрэча з Алесем Ласём

У адзін з цудоўных сонечных дзён у музей завітаў вядомы беларускі музыка, мастак, стваральнік экамузея музычных інструментаў Алесь Лось. Як таленавіты музыка, Алесь Лось не змог абмінуць выставу беларускіх народных інструментаў «Інструмент народны, і вясёлы, і журботны....». Падчас сустрэчы з супрацоўнікамі і наведвальнікамі музея ён падзяліўся сваімі прыемнымі ўражаннямі аб музеі і выставе, расказаў пра народныя тэхнікі ігры на скрыпцы, цымбалах, бубне, жалейцы.


Новый режим работы

С 1 июня все музеи Национального Полоцкого историко-культурного музея-заповедника переходят на летний режим работы. Двери наших музеев будут открыты для полочан и гостей города с 10.00 до 18.00.
Добро пожаловать!


“Без музыкі, без дуды ходзяць ножкі не туды”

Адным з самых старажытных народных інструментаў на Беларусі з’яўляецца дуда. Амаль да канца XIX ст. яна была вельмі папулярнай на Віцебшчыне. Дуда выкарыстоўвалася ў абрадах, звязаных з асноўнымі момантамі жыцця чалавека: на хрэсьбінах, на вяселлі. Дуда-“весялуха” падыгрывала танцам. І таму, не выпадкова, 18 мая Музей традыцыйнага ручнога ткацтва Паазер'я запрасіў жыхароў і гасцей горада на вечарыну “Зайграй, зайграй, дудар!”.


Адказы на музычную віктарыну

Вялікі дзякуй усім, хто прыняў удзел у музычнай віктарыне, прымеркаванай да Ночы музеяў.

Найбольшую колькасць правільных адказаў даслаў Коц Аляксей. Віншуем!

Разумнікам і разумніцам прапануем правільные адказы на віктарыну:


"Інструмент народны, і вясёлы, і журботны..."

Музыка суправаджае нас паўсюль і заўсёды. Пра музыку можна сказаць, што яна і навука, і казка. У ёй столькі загадкавага і цудадзейнага, што, часам, невядома, як да яе адносіцца і як пра яе гаварыць: ці гэта навуковая казка, ці гэта казачная гісторыя.

Беларусы – заўзятыя аматары музыкі, без яе не абыходзіцца ніводнае свята, ні адно гулянне. Вельмі шмат здольных музыкантаў, якія могуць рабіць сваімі рукамі цікавыя музычныя інструменты з добрым гучаннем. І так вялося спрадвеку.


НОЧ МУЗЕЯЎ 2013 у Полацку


Ночь музеев в Полоцке 2013

18 мая 18.00-23.00


30-годдзю канцэртнай залы Сафійскага сабора прысвячаецца


Музычны музейны марафон


Фальклорнае свята "Гуканне вясны"

«Сакавік часамі снегам сее, а часамі сонцам грэе». Так можна сказаць пра першы вясновы месяц. Аднак хопіць ужо зіме панаваць, а трэба вясну клікаць, гукаць.

27 сакавіка ў Музей традыцыйнага ручнога ткацтва Паазер'я прыйшлі пагукаць вясну маленькія навучэнцы дзіцячага інтэрнату г. Наваполацка. З вялікай цікавасцю і захапленнем хлопчыкі і дзяўчынкі выраблялі з каляровай паперы веснавых птушак. Зробленыя з любоўю і цеплынёй папяровыя птахі ажылі на Дрэве жыцця, каб на сваіх крылах прынесці да нас цёплую вясну.


Прыйдзі, прыйдзі, вясна...

Афіша мерапрыемства

Вызначаць час людзі пачалі даўно, вельмі даўно. Яшчэ не ведалі яны пра сусвет і пра рух планет, але ўжо заўважылі адметные дні, па якіх пачалі вызначаць час для адпаведных справаў.


Таямнічы свет ткацтва

З 12 па 15 сакавіка ў Музеі ткацтва прайшлі музейна-педагагічныя заняткі па тэме «Мы прыйшлі ў музей...». На заняткі завіталі маленькія навучэнцы сярэдніх школ горада. Падчас правядзення заняткаў хлопчыкі і дзяўчынкі адкрылі для сябе таямніцу вырошчвання лёну, зазірнулі ў незвычайны свет аднаго з відаў дэкаратыўна-прыкладнога мастацтва нашых продкаў – ткацтва.


Дыялог культур

У лютым месяцы на базе Музея праходзілі тэхналагічную практыку студэнты спецыяльнасці «Турызм і гасціннасць» УА «Полацкі каледж УА ВДУ ім. Машэрава». Падчас практыкі студэнты пазнаёміліся з дзейнасцю музея-запаведніка, асаблівасцямі працы музея этнаграфічнага накірунку, падрыхтавалі і правялі тэматычныя экскурсіі па тэмах: «Ручнік у сямейнай абраднасці беларусаў», «Арнаментыка і семантыка ручніка». Усе экскурсіі былі дапоўнены дадатковымі матэрыяламі – прэзентацыямі.


Пашануй адзенне ў хаце, а яно цябе пашануе ў людзях

Зіма заўсёды была для нашых продкаў часам прадзення і ткацтва – пераўтварэння просценькай ільняной нітачкі ў сапраўдныя творы мастацтва: посцілкі, абрусы, ручнікі і адзенне.

У гэтыя зімовыя халодныя дні ў Музеі традыцыйнага ручнога ткацтва Паазер'я прайшлі музейна-педагагічныя заняткі па тэме «Адзенне нашых продкаў». У госці да гаспадыні музея Паўлінкі завіталі маленькія навучэнцы Полацкай дзяржаўнай гімназіі №1 імя Ф. Скарыны, сярэдніх школ №10 і №16 нашага горада.


Пашануй адзенне ў хаце, а яно цябе пашануе ў людзях

Зіма заўсёды была для нашых продкаў часам прадзення і ткацтва – пераўтварэння просценькай ільняной нітачкі ў сапраўдныя творы мастацтва: посцілкі, абрусы, ручнікі і адзенне.

У гэтыя зімовыя халодныя дні ў Музеі традыцыйнага ручнога ткацтва Паазер'я прайшлі музейна-педагагічныя заняткі па тэме «Адзенне нашых продкаў». У госці да гаспадыні музея Паўлінкі завіталі маленькія навучэнцы Полацкай дзяржаўнай гімназіі №1 імя Ф. Скарыны, сярэдніх школ №10 і №16 нашага горада.


Да ішлі, ехалі калядкі...

28 снежня ў Музеі ткацтва адбылася тэматычная экскурсія з элементамі тэатралізацыі «Ехала Каляда з Полацку...». На ёй прысутнічалі навучэнцы Полацкага педагагічнага каледжа, супрацоўнікі Полацкага музея-запаведніка і зацікаўленыя жыхары горада. Усе госці даведаліся аб гісторыі ўзнікнення і традыцыях святкавання Каляд, змаглі не толькі паглядзець, але і прыняць удзел у інтэрмедыі з паміраннем і незвычайным ажыўленнем Казы. Акрамя гэтага, кожны змог паўдзельнічаць у традыцыйных беларускіх гульнях «Яшчур», «Ружа», «Вішня» і інш.


Віншаванне

Калегі!
Ад усёй душы віншуем вас з Новым годам і Нараджэннем Хрыстовым!
Няхай надыходзячы год будзе для вас годам добрых пераменаў, прынясе радасць, аптымізм, упэўненасць у заўтрашнім дні, парадуе вас яркімі падзеямі, новымі працоўнымі поспехамі, добрым здароўем.
Міру і дабра вам, любові і шчасця!


"Ехала Каляда з Полацку..."

Прыехала каляда ў вазочку
Да на сівенькім канёчку.
Прыехала каляда ўвечары,
Прывезла дудак рэшата...

Скончылася Піліпаўка - шасцітыднёвы пост. Вядома, што ў пост не елі скаромнага, стрымліваліся ад гульняў, танцаў. Для гаспадынь асноўным гаспадарчым клопатам у гэты перыяд было напрасці кудзелю. Пост – гэта час, калі думкі чалавека ачышчаюцца ад усяго благога і нячыстага. Паступова надыходзіць час адзначыць і калядныя святкі...


Изменение цен

Обращаем внимание, что с 1 января 2013 года изменятся цены на услуги, оказываемые в музеях Национального Полоцкого историко-культурного музея-заповедника.
Будьте внимательны!


А мы сеялі, сеялі лянок, белы, слаўны кужалёк!

Вось і скончылася восень. З дрэў апала апошняе лісце. А наперадзе – зіма. Набліжаецца Піліпаўка – шасцітыднёвы перадкалядны пост, які пачынаецца 28 лістапада і доўжыцца да 6 студзеня. У гэты час доўгімі зімовымі вечарамі мужчыны займаліся рамяством, а жанчыны пралі кудзелю, на вячорках спявалі песні. Таму нездарма менавіта ў лістападзе ў Музеі ткацтва праводзіліся музейна-педагагічныя заняткі «Казка блакітнага лёну» для дзяцей з дзіцячых садкоў горада Полацка.