24 лютага 2020 года адбылася рабочая сустрэча па міжнароднаму праекту LLB-1-216 «Вывучэнне і захаванне традыцыйных рамесных навыкаў жыхароў даліны Дзвіны / Даўгавы і перадача іх будучаму пакаленню» ў г. Браслаў (Беларусь).
Удзельнікі рабочай сустрэчы падзяліліся сваім вопытам у арганізацыі і рэалізацыі мерапрыемстваў за першы прамежкавы перыяд і падвялі вынікі. Каардынатар праекта Эвіта Кузіна-Калесніка адзначыла, што актыўна вядзецца праца на перспектыву, над наступнымі мерапрыемствамі ў першым паўгоддзі 2020 г.. На сустрэчы абмеркавалі пытанні арганізацыі і правядзення этнаграфічнай экспедыцыі ў Латвіі, запіс сумеснага CD-дыска, мерапрыемства "Універсітэт рамеснікаў» у г. Полацку і майстар-класы ў рамках Міжнароднай акцыі «Ноч музеяў» у Даўгаўпілсе і фестывалі «Меч Брачыслава» ў Браславе.
Мерапрыемства завяршылася экскурсіяй па гістарычным цэнтры горада і наведваннем Краязнаўчага музея.
Гэтая публікацыя была падрыхтавана пры фінансавай падтрымцы Еўрапейскага Саюза. Яе змест з'яўляецца выключнай адказнасцю Навукова-даследчай і асветніцкай установы культуры «Нацыянальны Полацкі гісторыка-культурны музей-запаведнік» і не з'яўляецца адлюстраваннем афіцыйнай пазіцыі Еўрапейскага Саюза.
#latvialithuaniabelarus#lvltby
