Дзе і як у Полацку больш за сто год таму адбываўся гандль? Дзе просты селянін мог прадаць рамесныя вырабы?
На гэтыя і многія іншыя пытанні паспрабавалі адказаць вучні 3-х класаў школ г. Полацка падчас наведвання музейна-педагагічных заняткаў па тэме “Полацкі рынак у канцы ХІХ – пачатку ХХ стагоддзя”, што праходзілі ў музеі ўвесь мінулы тыдзень.
Маленькія наведвальнікі музея даведаліся, якія рынкі існавалі ў Полацку і як яны выглядалі больш за сто год таму, якія тавары можна было набыць на рынках і што дзеля гэтага трэба было абавязкова мець у сваіх кішэнях, высветлілі, што такое “кірмаш” і чым ён адрозніваецца ад рынка, як бавілі свой вольны час наведвальнікі кірмашоў.
Падчас заняткаў хлопчыкі і дзяўчынкі адчулі сябе сапраўднымі гандлярамі і пакупнікамі!
