Мінулая субота ў Музеі была прасякнута вялікім сардэчным пачуццём – каханнем. Улюбёныя пары ў гэты дзень змаглі даведацца аб любоўных прыкметах, дзявочых варожбах, вясельнай абраднасці, што звязаны з прыладамі працы і прадметамі побыту, якімі карысталі ў штодзённым жыцці нашыя продкі.
Чулася шмат пяшчотных і шчырых словаў, музей свяціўся яскравымі ўсмешкамі закаханых. А кожная пара, што наведала музей 14 лютага, атрымала невялічкі, але такі незвычайны падарунак.
